6百幾益

這篇我是刻意等高鐵撥款通過了, 大家吵鬧完了才出的 ~

高鐵撥款其中一個很大的爭議就是 – 貴 & 益了那些大地產商

600幾億固然是一個大數目, 但我們應如何量化/理解這個數目, 才能評論它是 “貴或平” ??

600幾億:

夠買60幾億底雞蛋仔 ?? (假設$10底雞蛋仔)

夠迪迪尼蝕足 50年 ?? (假設迪迪尼年蝕13億)

夠搬7百幾條菜園村 ?? (搬菜園村賠償額8600萬)

條數係咪咁計?? 

又或是另一堆figure ??

西鐵綫造價 464 億 (1998 ~ 2003)

沙中線造價374億 (未起好, 可能會超支)

600幾億起高鐵係貴定平 ~ 我唔識評論。

至於總站在西九會否益了地產商?? 我反而關心總站在西九是否最有利香港的發展。 難道為左唔好「益左地產商」就要將總站起係沙頭角 ??

我突然想起N年前睇黃子華棟篤笑有這一段:

至於有了高鐵, 對香港長遠經濟是如何偉大偉大 ……

我又唔係特區財金高官, 又唔係城中名嘴風水師, 我唔識吹水預測

我只係一個目光短淺的地盤佬, 有幸參與過鐵路工程 (西鐵屯門站兆康站我有份起的 !!)

我只知道, 起一個鐵路項目(車站連鐵路)會“益”了那些人:

前期工作 & 設計團隊 :

環境評估、地質瞰察 (Ground investigation)、土地測量(Land surveyor)、地基設計(Foundation design)、結構設計(structural design)、建築師 (Architect)、工料測量(Quantity surveyor)、機電系統 (Building services)、訊號系統 (track signaling)、Landscape …… etc

材料供應: (雖然大部材料是由外/內地供應, 但總要有香港人做sales, 運輸吧)

石屎、鋼筋、磚、鋼結構、木材、玻璃、鋁窗、幕牆、門、竹棚、螺絲、臨時鐵器、水喉、電線 …… etc

施工團隊(文職): 項目經理、工程師、協調員、安全主任、工料測量員、總管、管工、材料事務員、繪圖員、屋宇裝備協調員、機房、警衛、秘書、司機、清潔亞姐 …… etc

施工團隊(武職): 紮鐵佬、釘板佬、石屎佬、泥水佬、水喉佬、棚佬、墨斗仔、燈喉仔、冷氣仔、打樁佬、卡佬 (泥頭車司機)、天秤佬、車立佬、雜工 ………

監管及檢測團隊: 駐地盤工程師 (Resident Engineer)、督察 (Inspector)、工程監督(Clerk of Works)、各材料品質檢定 (驗泥、試水、壓磚仔、拉鐵 …)、所有機電、訊號系統測試 ……

建築期的周邊行業: 地盤旁的茶水檔、售賣安全用品(如安全帽、反光衣)的小店、晒圖公司、收買欄鐵的回收商、文儀用品(如影印機、A4紙)供應/維修、IT用品(如電腦) ……etc

公共設施接駁: 電力、水務、渠務、煤氣、電訊、路政 …… etc

請不要將 600幾億說成“倒落鹹水海”般, 很大部份的錢是用在多年來建設香港的建築同業的生計上,

同時, 用來買一個“將來有好的經濟發展”的盼望 !!

撥款通過, 不一定只“益”了地產商,

僅代表所有因此而有工開的地盤佬多謝:  香港所有納稅人、特區政府 & 投支持票的人