彙整
奶媽榮休
3個半月奶媽成績總結:
9吋半脾、21吋腰、20磅小肥B >> 奶媽可以榮休了
看個人獨照難以感受奶媽的成就, 借排骨仔哥哥一同合照, 就會發現3個半月細佬仲大隻過24個月哥哥, 真誇張 !!
現在開餐的情景是這樣:
哥哥會好開心話:「一齊呀 、 一齊呀 」
細佬轉食奶粉進度尚可 ~ 食頭半支奶速度及得上哥哥(咁快 !), 然後突然發覺受騙立即放聲大喊大叫, 心有不甘唔肯再食 ~ 扭扭令令一輪換個姿態再食過
這時天朗已經食完, 就會走過來:「幫手呀 幫手呀 ~ 」 攪攪震
終於等到喇
我知、我知 ~ 人家的bb未夠4個月就曉自己扶奶樽飲奶
不過我家大少爺識拎住奶樽有節奏地揮舞、夠力抬起支500ml樽裝檸檬茶 ~~
就係唔肯自己扶住個奶樽飲奶 ~~
寧願絕食、發爛渣、掟奶樽 ~~ 誓保兩手fing fing 可以邊食奶邊玩紗巾、玩公仔、玩腳趾、玩口水肩 ……… 堅持11個半月都唔肯扶奶樽 ~~ 力證自己是家中大少一定要人服侍 !!
今日 27-Oct 2008 皇恩浩蕩, 大少竟然肯自己扶住個奶樽飲晒成支奶 ~ Yeah !!
為食天朗 – 美味推介
直到目前為止, 天朗的主要糧食都係奶奶, 爸爸MaMa仲未嘗試過俾天朗食其他副食品。所以呢 ~~ 天朗想食 “零食” 就要靠自己嘞
現在由為食天朗介紹多種 “食手指” 的方法: (Disclaimer: 其他bb未得家長同意切勿模仿)
食法1 : 單手食
食法2 : 雙手食
食法3 : long高對腳食
食法4 : 邊玩邊食
食法5 : 側身食
食法6 : “呢”埋食
食法7 : 僕係MaMa心口食
食法8 : 扒係到食
咁多食法當中, 天朗最鍾意 “扒係到食”, 一邊食一邊踢腳, 睇佢幾 enjoy
爸爸MaMa近來的口頭禪 「邊個偷偷地食手指 ??」
引用自:http://hk.myblog.yahoo.com/jw!bLmJSgeRGAJ.9fMimzJyUWO8/article?mid=2329
「第二最愛的故事」下集
上次講到天朗唔肯用奶樽食奶, 經過連日練習、嘗試、反覆Mix & Match …… 終於有成果嘞
天朗b的第二最愛係 chu chu 奶樽 + 日本明治奶粉 (皇帝仔真識揀呢 ~ 2隻都係貴野 !!)
+
chu chu 奶樽簡介:
Super Cross Cut 十字奶咀專利設計, 同一個奶咀即齊備快中慢不同速度, 可根據嬰兒的速度自動調節,BB吸吮力越大,流量越多
曾經參選但得不到天朗歡心的產品包括:
這款 Closer to Nature嬰兒奶樽 聲稱 “由母乳餵哺專家精心研習而成,模仿真實的乳房形狀,即使BB交替地以母乳及奶樽餵哺,亦可防止出現混淆的問題”
well, 係大人眼中形狀的確似似地, 不過bb用行動表達左重點不在於形狀這款奶樽可算是大眾之選 >> 價錢平 & 各大藥房, 萬0, 屈人士均有代售。如果天朗肯用都幾好架 !!
Dr. Brown’s 奶樽有專利內置通氣管, 可減少肚子絞疼、嘔奶、打嗝、肚風 >> 勁野黎架, 不過呀仔用佢一啖奶都唔肯食, 幾勁都冇用啦 ~~
奶粉呢 …
天朗頭幾星期都肯食惠氏S26, 到近排先唔食 …… 不過算啦, d人話S26熱氣, 唔食就罷。
另外亦都試過雀巢金裝能恩, 呀仔食左一啖就露出一個好慘嘅表情 …… 事後我自己試左幾啖, 原來係苦嘅, 唔怪得之呀仔咁慘啦。
最後試日本奶粉 – 明治 >> 竟然一 take 過 ok bor
當然, 其實可能有biases, 因為我地原意都係想bb食明治, 而且測試當日已經match好chu chu 奶樽, 所以可能mix咩奶粉佢都會食。
最後終極測試 >> 天朗過去婆婆屋企過左一晚夜, 冇左爸爸、MaMa係身邊都肯食奶, 我地總算可以鬆一口氣 …………………
不過過程中玩殘左印印姐姐、公公&婆婆成晚冇覺好訓
下星期試吓連續2晚睇下得唔得先
引用自:http://hk.myblog.yahoo.com/jw!bLmJSgeRGAJ.9fMimzJyUWO8/article?mid=2033
天朗的第二最愛
現階段來說, 天朗的最愛當然是MaMa & MaMa Milk 啦 ~~ 但是 MaMa 總有一天需要回到天空工作 ……..
唔知係好事定壞事, 天朗係全(埋身)人奶b, 食MaMa Milk 食得好好 >> 又開心、又長肉 !!
咁 … 唔埋身食得唔得呢 ??
我地早兩日開始試吓用奶樽餵, 每日試一次 (先試人奶後試奶粉) 再配唔同牌子奶樽。
結果係 >> 唔食 !! 無論係工人餵、婆婆餵 or 爸爸餵都唔肯食 ….. 仲喊到拆天, 一啖都唔肯食, 又濁親, 真係好淒涼 ~~
好喇, 我地投降喇 ….. 到 MaMa 抱番佢, 即刻fing手fing 腳好開心
今日再試 >> 佢寧願絕食訓覺, 就係唔肯啜奶樽 ….. 真係有性格 !!
我地都明白 “戒人奶” 要慢慢黎, 而且奶咀形狀、奶粉味道都會有影響 ……
但依家一啖都未肯食, 似乎我地距離成功戒人奶仲好遙遠 ……
從今開始每日試唔同牌子的奶咀、奶粉的Mix & Match …
bb, 我地都明白始終當然是MaMa最好……
但係你都要快d搵到第二最愛呀 !!
猛長二期之勁食馬拉松
過了聖誕天朗不再做小魔怪, 改玩馬拉松 ……
猛長二期並唔係樓盤名(e.g. 國金二期), 而係人奶b其中一個生理歷程。回想天朗b第一次出現猛長期的時候就發生過“深夜密密食”的情況 (當時我地仲未知係咩事)
先解釋咩係 猛長期 (Growth spurts)
“猛長期”這個辭彙,對於中國媽媽來說相對比較陌生,卻是國外育兒領域裏耳熟能詳的一個普遍概念。一般來說,“猛長期”出現在三個星期、六個星期、三個月和六個月左右。這時嬰兒所需要的養分比較多,他就通過頻繁吸吮來刺激母親製造更多的乳汁。在這種時候,堅持勤餵幾天,一旦乳汁分泌量達到寶寶的要求,他的吸吮自然會降低頻繁程度。
因為母乳的製造是demand driven supply 的, 即寶寶吃的越多,乳房就會生産越多的奶。故在“猛長期”這種現象的情況下,寶寶的大飯量不過是大自然保證母親身體增加母乳分泌量以滿足孩子生長需求的手段。
至於今次的馬拉松點玩呢 …
11pm 肚餓嘞: 先黎幾分鐘饑餓式迫切吸吮(伴有急促吞咽聲),然後就開始馬拉松式嘆奶 (45min ~ 1hr 半夢半醒輕緩吸吮), 似乎食飽啦>> 掃風&“暗”佢訓(~15mins.) >> 好喇, 心諗我地都可以訓喇 (正常而言bb食飽可以安睡~2hr) …… 點知放低佢落bb床唔駛幾分鐘即喊 >> 抱番起佢安撫情緒再“暗”佢訓 >> 好喇, 心諗我地都可以訓喇 (已經半夜2點幾)
未夠3am又喊: 口口擘擘好想食 (心諗, bb: 你啱啱先食完唔夠半個鐘又想食, 有冇咁肚餓呀 ??) 點知又食到大半個鐘 >> 好喇, 終於都可以訓喇 (已經差不多半夜4點)
4點幾喊又想食 ~~ 嘩bb 你唔駛訓架 ??!! 今次唔知佢食幾耐嘞, 因為兩個大人都已經太攰, 又同bb一齊係大床訓著左, 第2朝訓醒先知 (好在冇責親bb)
日頭呢 … 都係馬拉松式嘆奶 (半夢半醒輕緩吸吮成個鐘), 但係食飽又唔肯俾人放落bb床, 一定要人抱 ……… 轉頭訓醒又要食
真的是難為了MaMa,
好在專家話 Growth spurts usually last 2-3 days ……
近期迴響