泡泡人仔

我們從前的家曾經有浴缸的, 只是那時天朗還小, 未懂得在浴缸玩水。

後來因為漏水疑雲, 把心一橫就把它拆了 (見 我的浴缸。再見了)

現在又可以在家中暢泳了 ~~~

天朗: 「我最鍾意泡泡浴 !!」

泡泡人出場:

 背面

側面

正面

沖完涼, 食蘋果

食緊蘋果, 人仔唔見左 >> 你睇佢幾識嘆 !!

查詢詳情

搬家前後

適逢持續嚴寒的一週, 適逢印姐在我們最需要她的時候走了, 剩下一對抱恙的可憐夫妻 >> 今次搬屋實在異常艱辛

搬屋前四日: 執呀、執呀、執呀 ~ 翻箱倒篋 ~ Pack 呀、Pack 呀、Pack 呀 …… 連路人甲都忍唔住問: 你屋仔細細點解可以收埋咁多野 !!!

搬屋前一晚: 婦孺(ManFish&天朗)先回外家暫避。 獨守空屋 ~ 是在這裡的最後一夜了 ~ 有點冷、有點不捨、有點失眠

15-Jan 09: 搬運公司晨早到達, 肯定各位壯丁都食飽早餐, 位位都異常快手、異常大力。 我 pack 了4日 “幾十箱野 & 傢俬電器” 唔駛一個上晝已經全部平安抵達新居。

收費合理, 服務態度亦好 >> 值得推介 

搬屋後四日: 開箱、還完是絕對比pack箱更辛苦的 !! 執呀、執呀、執呀、抹呀、抹呀, 抹呀, 吸塵拖地, 重駁電腦電視DVD ~ 嘩 ! 超辛苦 !!!

 率先享用新廁所

幸好, 大少暫時都很滿意這個新居

查詢詳情

P.S. 新居的網絡連線終於在昨天接通了

家

中國人對“擁有自己的家” 有一份獨特的情意結

故 ~ 縱使香港地 / 樓價高昂 「置業安居」仍然是不少香港人努力的目標

6年多前 …… 受惠於SARS的跳樓價 + 政府首置貸款的契機, 令我這個窮鬼地盤佬都有機會膽粗粗成為業主

2年多前 …… 要結婚了 ~~ 這個狹小的單位, 每一尺每一寸都量度得清清楚楚, 慎而重之以AutoCad 依比例晝好, 將這個已不能再簡單 (得幾件家私) 的Home Layout Plan 排完又排, 盡用每一寸空間。

沒有財力豪裝, 唯有拙才DIY搭夠 >> 走遍旺角建材街格盡最平價、行均土瓜灣各室內設計總匯參抄參考。

再用土炮方法:

自家設計 + 親身監工 + 技術指導 >> 普通裝修佬都可以充當Interi-design , 換地板、黏牆紙、裝燈裝花灑龍頭、改電制、油大門 …….超抵價 (2萬多) 完成

傳統的傢俬鋪雖無新意, 但你俾齊顏色尺寸、設計草圖、各details 位要求, 老土舊店都可以做出高水準傢俬

我們的首個Home-Sweet-Home >>

每一面牆紙都是我和Manfish 精心挑選

有窗檯的細房想放Queen size 的床要花點心思  原來床尾還有空間加個細衣櫃 & 存放“空姐行李篋"”的抽屜機關

隱藏式房門令大廳感覺寬敞、電視後配翠綠牆紙看得更舒適 

數不盡的快樂時光就在這Home渡過

可惜Home-Sweet-Home始終有限制:  2人世界Perfect; 加一個小B (天朗) 勉強可以; 長遠計, 最理想還是一個較大的單位。

千般不捨總有離別的一天, 只是賣樓買樓搵屋搬屋實在煩瑣 … 現狀安舒更難 “的" 起心肝

好了 ~~ 決心來了 ~~ 人總要展望將來踏出新一步

明天定會更好 !!

Home A&A 家居改建工程-1

屋企的setting 原本係以兩個人生活為出發點設計的。如今至愛bb就快來到我們的家, 所以要做少量家居改建工程 (Home A&A Works), 迎接即將來臨的小生命

最先要做好的是睡房 – 由於窮、再加上地產商無良, 所以我地同好多香港的小業主一樣, 都係住緊縮水樓 >> 個個房都有特大窗台 >> 攪到個睡房擺得床黎就冇路行

為咗善用空間, 床要特別訂造, 將半張床要 “騎” 上窗台上面。可以慳到唔少位, 但係張床就會高咗好多 …… 明符其實係 “高床軟枕”。從前都有考慮過這個問題, 好在ManFish 同我都算體態輕盈, 所以張床高少少都唔成問題。

當然, 依家ManFish MaMa 粗身大細, 就唔可以俾佢再爬高爬低, 而且亦要搵定位將來放bb床 ……

構想中的改建方案:

 加個地台就可以縮短床面同地面的距離 >>上落床就唔駛再爬高爬低，亦可以增加儲物的地方。搬走舊梳妝檯，將來就係放ｂｂ床的地方。

改建前：

改建中：
改建後：

ManFish MaMa已經急不及待執緊野