最佳損友

朋友　我當你一世朋友

自小 …… 家長、老師都會叮囑不要誤交損友, 長大後 …… 方知道現實社會裡再沒有朋友*

不竟難得有過最佳損友

朋友* – 離開了溫室、離開了校園, 大家都要長大, 我們開始擁有財富(無論多少)、地位(無論高低) & 影響力的同時, 人際關係就混雜了利益、虛偽、心計 –為明哲保身, 新朋友: 大家還是留守自我感覺安全的 social distant 以內好了。

反而, 這班相識於微時, 一同學壞、哭過笑過的 “最佳損友” 更可信賴

從前共你　促膝把酒傾通宵都不夠　我有痛快過你有沒有

是我 ~ 難以置信地竟選擇了另一條窄路, 在某一個分叉口脫離了隊友 …… 上次與你們暢飲原來已是十年前的事了

很多東西今生只可給你　保守至到永久　別人如何明白透

今天聚頭, 場景是久違了的骰盅、酒精、K歌、二手煙 ~~人面依舊, 抱歉已不能與你們盡興, 縱與七分酒醉仍有距離, 家有妻兒已不容自己任性。

但是命運入面每個邂逅　一起走到了　某個路口

如今志趣可能已不相投, 但你們始終是我的最佳損友、最真好友 !

朋友　我當你一世朋友

建 Joke 根本是笑話 (錢途編)

放眼世界, 香港的建築業是一個神話

但回望香港 – 建築根本是個笑話

90年代初 曾經出現過一個這樣的電視廣告:

一個戴安全帽的有為青年:「 呢座東區走廊同紅磡體育館， 我有份起嫁，威哩 ～ 全靠我中三之後，入左建造業訓練局學野咋。佢地既技術課程，既免費，仲每月有津貼，將我訓練成才，一出黎就大把人請，人工仲 哈哈哈哈！  喂~~我想同太太搵搭靚樓呀 」

當年播這廣告, 那個 “有為青年” 其實冇講大話                                                         

但如果現在重播這個廣告, 消委會、廣管局肯定收投訴收到手軟 …

如此鬧劇, 卻是我們一班工程界千禧畢業生的寫照:

話說89天安門事件之後,香港人心惶惶,樓市崩潰 >> 那時根本唔會有人想讀建築,

Civil Engineering 是出名的 “水泡科目”, 成績唔好其他科唔收唔緊要　～ 只要符合入U最低要求 >> Civil 實收你　！！　(That’s why 建造業訓練局要出如此 Hard sell 的廣告引你入行)

誰知　～　90年代初開始各大基建相繼上馬、樓市穩步上揚，人材立即短缺, 而有能之仕卻都已經逃亡海外，在“蜀中無大將”的情況下 …… 人人上位如坐直昇機, 人工N級跳 !!　

直至97 – 樓市熱爆, 是香港建築界最光輝的時刻 – 建築已經成為大學中灸手可熱的科目 …… 3年之後 …… 千禧年或以後畢業的, 大家都知中招嘞 ~~~

多少同學仔本領不凡, 卻苦無工程讓他們發揮;                                                               

有幸能在行頭立足的, 還要忍辱負重, 為一眾於90年代上位, 現已是高薪厚職的 “能人上司” 做牛做馬 ………

唔需要慨嘆生不逢時, 為錢途著想, 不少同學仔早已棄暗投明 – 轉行再上路        

留下來的, 與其怨天尤人倒不如腳踏實地。 做建築唔會發達, 但尚能養妻活兒, 只是辛苦一點而矣 ~~

補充: 火雞靚相集

早前講到火雞大學幾靚幾靚 ….. Tum 左我 lee 個傻丙入讀

剛巧在一個Album上見到有個攝影高手的科大相集, 真係影得好靚 !!

特別鳴謝 Angcat 分享靚相:

for more, pls visit: http://www.fotop.net/angcat/HKUST

補充: 火雞之名

忘記了補充, 可能有些人不知道 “火雞大學” 之名的由來 ……

就在校門的正中央  >>  豎立了學校的吉祥物 (學校標誌) 

牠 : 身肥肥、頭尖尖、全身呈火紅色

官方公佈, 這是個日規    而我地橫睇點睇 ……… 這都是一隻火雞  

P.S. 本想post 一些校園靚相, 不過仍未得到相主同意 >> 所以要等

Stress & Tension @火雞大學(樂)編

Hall Life:

一班同居密友, 晚晚無懼脂肪 2am齊消夜 浩浩蕩蕩車仔麵見; Winning-11通宵、Age-of-Empire達旦 定當奉陪到底 !! 午夜夢迥 – 靚仔康的情人Happy Birthday 會在暗室中響起; 旋轉姆明 – 日間在走廊滾動, 夜裡在城城懷中。 房房獨立寛頻 – ICQ從不間斷, 好歌日劇齊齊共享。 6樓Civil兵團最大; 8樓Business 美女如雲, 還有Halloween Party 、watermelon 生日會 ……

門口的白板, 是大家的塗鴉聖地 !!

Civil Cell:

在最艱難的日子, 捱得過有賴Civil Cell裡的支持。來自不同教會的弟兄姊妹, 敬拜同一位上帝, 又要彼此相顧，激發愛心，勉勵行善。你們不可停止聚會 ……… 大家輪流預備內容 (都離不開查經、祈禱、唱詩、分享之類)。 能夠互相扶持, 這已是最珍貴的 fellowship 了。

Study:

自小怕悶, 更座唔定 …. 讀Civil起碼唔駛成日困係課室入面:

讀Traffic的時候會出街數車, 記錄紅綠燈轉燈時間與人流、車流的關係

讀Environmental的時候探訪大學總屎渠, 打開渠蓋 (嘩 ~ 臭臭) 一人“畢”一樽污水樣本 (過程中最緊要避開急流中的浮金) 各人都珍而重之唔想再攞第2次 !

讀Geology的時候走遍人跡罕至的小島, 大家手執鎚仔齊齊採礦(石):

背景似唔似原始森林呢 ?

只要唔介意大家的 “男人味”, 一型佬攬 / 玩埋一堆都可以好開心

Stress & Tension @火雞大學(苦)編

選中學最主要的原因是 ~ 近

選大學最主要的原因是 ~ 靚 (當然, 那時有Civil讀的大學不多)

我敢講 !! 火雞是全港最靚的大學 >> 無敵西貢海景、3層高樓底 + 落地玻璃Library、背山面海 + 設備完善學生宿舍、標準足球場、Gym room、暖水泳池………etc 這些都是我選校前已經可以見到的。

但有另一些, 則而入讀以後 + 親身體驗才有機會見識得到 !!

Ø            原來UST 的全寫是 University of Stress and Tension

Ø            這間大學開創先河與中、小學同步9月1日開學

Ø            這間大學每年上下學期各有1次final exam + 1次 mid-term exam 中間還可能有quiz 與中、小學無異 (我們只是不用穿校服)

Ø            我敢保證在UST讀Civil一定全港最抵 !! 每週上課超過30hrs (仲未計星期六要去考察污水處理廠呀、採集岩石呀 & Survey camp 之類) 大家都係交相同 $$ 學費, 而我地上課時間最長 ~~~ 仲唔係最抵 !!!

Ø            上課時間原來與功課數量是成正比的 >> Statics and Dynamics, Soil Mechanics, Fluid Mechanics , Hydraulics 之外還有Structural Analysis, Mechanics of Materials, Environmental, Traffic & Transportation …. 莫講話要自己做, 有得俾你抄都唔野少。曾經有同學仔係Library咆哮 抄都抄唔掂呀, 借俾我影印, 我改過個名就交喇 !! 所以,

Ø            Library 再不是3層高樓底 + 落地玻璃的美景而是一個惡夢 !! 再不想記起那些寒窗苦讀 (冷氣真係好凍) & 精神崩潰的日子

Ø            標準足球場、Gym room、暖水泳池 ……. 三年裡面我只用過2、3次

Ø            住Hall者 – 每星期日晚告別溫暖的家踏上91M /小巴, 片過清水灣道再走入冷清的Atrium, 在返Hall的路上海風剌骨, 培感淒涼

Ø            不住Hall者 – 早堂9am, last堂最夜試過8pm …. 唔緊要, 反正都係Library見 …. 收10pm >> 每日早出晚歸仲慘過返工

Ø            大學生涯的第一個節目 – O’camp, 對於在男女比例正常的學校成長的我來說, 第一次在一個120人的群體裡竟有110個佬 ………當左右手各拖一個佬跳 camp fire 的一刻 ……… 我真係有諗過應否及早轉系 !!

後記: 是樂是苦?? 我們一一捱過了 ~~ 其實都是“快樂”的回憶 。

“Stress and Tension" 一般用作形容心情、壓力 – 較負面的。

但對我們一眾 Civil 同學來說 “Stress and Tension" 是表達 力 (Force & Loading) 在的不同情況下的專有名詞; 而我們的專業技能 – 就是使建築物能抵禦各樣 “Stress and Tension" 屹立不倒。