彙整
哽一隻猫
出事了, 人人自危, 亦都人性盡現 …… 其實一直都好唔想記錄這些不愉快回憶 …… 但 今日隻猫真係哽得好唔順
你怕死所以失憶唔緊要, 亦都預左有朝一日你會將一d 唔想負的責任卸在我身上 … 甚至乎你要係背後篤我, 我連自辯o既機會都冇tim … 不過
唔好以為疲勞轟炸, 將同一番說話對我講多一百次, 我就會傻仔到相信你所講o既說話好合理 & 我錯哂掛 !!!!
腦細 :「 嗰件事佢地真係同你傾過 ?」
小職員 : 「 當時你都在場一齊傾的..」
腦細 :「 係 ??!! 我冇咩印象 ….. 」
腦細 :「 我真係冇聽過有人提過嗰件事…」
腦細 :「 如果我知道嗰件事, 我一定會叫佢地咁咁咁, 而唔會好似宜家咁咁咁 」
腦細 :「 程序上係應該咁咁咁咁, 而唔係宜家咁咁咁咁 」(事後, 你講咩都得啦 !!)
腦細 :「 我覺得當時其實可以咁咁咁咁 …… 點解冇咁做呢 ?? 如果唔係, 就唔會發生今次事件」
小職員 : 「 不過我覺得嗰件事同路陷冇咩關係 」
(完全唔理小職員, 繼續扮傻) 腦細 :「 當時點解佢地唔同我講嗰件事 ?? 」
小職員 : 「 當時你都在場一齊傾的..」
腦細 :「 係 ??!! 我冇咩印象 ….. 」
腦細 :「 我真係冇聽過有人提過嗰件事…」
腦細 :「 如果我知道嗰件事, 我一定會叫佢地咁咁咁, 而唔會好似宜家咁咁咁 」
腦細 :「 程序上係應該咁咁咁咁, 而唔係宜家咁咁咁咁 」(事後, 你講咩都得啦 !!)
腦細 :「 我覺得當時其實可以咁咁咁咁 …… 點解冇咁做呢 ?? 如果唔係, 就唔會發生今次事件」
小職員 : 「 不過我覺得嗰件事同路陷冇咩關係 」
(完全唔理小職員, 繼續扮傻) 腦細 :「 當時點解佢地唔同我講嗰件事 ?? 」
上述對話重覆左唔知幾多次…….
我唯一可以做 – 就係用堅定o既眼神 “掘”住佢, 同埋堅持我唔會哽lee隻猫
EQ
由學生時代開始, 自問在朋輩間 EQ 一向不算差。 記得初出來工作, 俾前輩話過我 :「後生仔, 咁容易就動氣, EQ太低喇 …… 要注意吓」 當時唔係好服氣, 心諗 :「嘩 ~ 同家吓D後生仔比, 我算好脾氣、EQ高架喇…..」
事隔多年, 諗番起其實人地未必話錯我 …… 做咗咁多年野, 都依然要為D小事勞氣 (尤甚人事方面) 都仲係好睇唔開。 太平盛世時可能仲可以o騎o騎o騎算數, 到依家劫難當前, 就深深體會到自己EQ唔夠。
我成日都問自己究竟係佢地太難相處、定係自己適應力太低 ??
亦成日同自己講, 工作上一定會遇到嗰d人, 甚至現實係 “他們必終日纏繞著你” 經常都要提自己….唔好太天真
好喇、夠喇, 唔好諗得太負面, 亦唔想去 “數” 佢地 ….. 唔應該俾這些繼續影響我的情緒
明天努力 !!
近期迴響