彙整
泡泡人仔
我們從前的家曾經有浴缸的, 只是那時天朗還小, 未懂得在浴缸玩水。
後來因為漏水疑雲, 把心一橫就把它拆了 (見 我的浴缸。再見了)
現在又可以在家中暢泳了 ~~~
天朗: 「我最鍾意泡泡浴 !!」
泡泡人出場:
背面
側面
正面
沖完涼, 食蘋果
食緊蘋果, 人仔唔見左 >> 你睇佢幾識嘆 !!
一百萬零一夜
昨晚即慶和ManFish 看了一百萬零一夜, 戲院內全院爆滿 (香港人真懂跟風, 包括我自己, 如此片不是連奪N獎, 真會有那麼多人買飛捧場 ??)
故事劇情不詳述了, 反正報紙電視雜誌的已夠多。 看罷, 我最欣賞是印度官方的 「量度」 ~ 全片穿插的貧民窟、童乞黨、人口販子殘害兒童、宗教仇殺、黑幫妓女、警察濫用私刑、電視台黑幕 …. 盡是各國政府都想掩飾的黑暗面。 印度官方肯讓這些 “國情” 公諸於全世界, 又或者劇中的故事/畫面已經將印度的 “實況” 美化了不知多少倍 !! (哀哉)
另一關鍵劇情:
在貧民窟長大、沒有讀過書的主角能答對所有連專家博士都沒把握全中的問題, 以致 “理所當然” 地被懷疑作弊。
反觀香港, 一眾小兒在溫室長大, 接受極高深的教育但 “高分低能”, 長大後不懂照顧自己 (如不懂綁鞋帶、煎蛋) 亦是 “理所當然” 乎 ??
有趣港聞幾則
每日打開報紙, 香港的新聞越來越攪笑, 香港人越來越胡鬧
# 那間八婆會館日嘈夜嘈, 好明顯係想整死粵劇界。 佢地自身難保, 連租都唔夠錢交, 肯定唔會有咩新人入行啦, 即係瀕臨絕種 (就死) 啦 ~ 要間古董 (北裁) 黎陪葬咩 ??
# 那個財經局長傻強, 上星期天真地自認雷曼出事前不知何謂 “迷債” 。 立即引一眾尊貴議員群起而攻之, 炮轟 “後知後覺” 云云 ……..
本來想讚傻強夠坦白, 是政壇中難得的老實人 ~ 點知佢尋日出黎兜。 唉 ~ 真係俾佢激死 !! 兜咩丫, 鬧人嗰班議員又有幾 “先知先覺” 呀 (尤其中左招嗰幾個) !!
# 電刑私有化隨時觸礁, 班小股東唔好以為自己羸左。 睇清楚對手係邊個 !! 與虎謀皮, 勝算會有幾多 ?? 嗰條友, 大家識佢咁耐, 佢做過咩好事 ?? 大家唔會天真地以為佢會認認真真攪好盤生意, 等電刑昇上$42掛 ??!!
私有化唔成, 你慌佢唔會諗過其他絕橋 “掠” 班小股民一筆咩 !! $4.2 唔走, 遲d隨時趺到得番$1.2呀 !!
14&15個月天朗 日日影精選
12-Feb 08
14、15個月天朗 日日影精選
上個月太忙 (過年ma …) 所以現在才補回上個月連今個月的日日影
14 months ~ 1st week
14 months ~ 2nd week
14 months ~ 3rd week
14 months ~ 4th week
15 months ~ 1st week
15 months ~ 2nd week
15 months ~ 3rd week
15 months ~ 4th week
基本發展:
體重: 21 ~ 22磅
牙仔: 11隻 (上下門牙4隻, 大牙3隻)
睡眠: 晚12 ~ 朝10 + 午睡2~3小時
飲食: 午餐、晚餐和大人同檯食飯, 另3餐奶。 為食天朗咩都食, 麵包、餅乾、生果 … 見到你食咩佢都要食 !!
活動能力: 跑得好快 !! 爬高爬低無時停
語言能力: 普通。大部份時間都依然用外星BB話同我地溝通, 沖涼時會唱只有佢自己聽得明的歌。
2.14“浪漫”情人節
趁第四者未大駕光臨、趁我們仍行動方便,
趕快帶我們的“情人”去去這個情人節熱點。
到達目的地 >> 嘩 ~ 太“浪漫”了 >> 似霧迷離的山頂
看, 多美麗的維港景色 !
山頂風景實在太迷離, 我們還是返回室內好了
一入場就見到古sir ~ 真係小兒科 ??!!
估唔到平日周街撩人玩, 三唔識七、任何國籍、不同膚色都冇有怕的社交大使竟然驚左lee班企定定唔曉郁的蠟像。
慧琳還勉強可以, 見到步姐已經失控
作為情人節熱點, 蠟像館亦當然人山人海, 所以大部份“名人”都忙於招呼客人, 唯獨他十分清閒 (可見他的民望已經 …… )
以此作一個(非正式&不科學)的評估, 2012/2017普選特首, 大排長龍的劉華應可當選。
由於MaMa是fan 的源故, 呀仔話佢都有機會 ge ……
至於佢 ~ 蠟像館快d同佢換件AC 波衫啦
天朗: 「 老豆, 我地2個加埋都唔夠佢高 !!」
老豆: 「 舉到盡喇, 仲唔搶佢個波 !!」
這叫做 ~ 冇咁大個頭就唔好帶咁大頂帽
玩完蠟像館, 又出去山頂廣場玩左陣, 冇加任何特別效果, 現場真係咁大霧 >>
哈 ~ 我們竟忘記影合照, 唯有用這張合成照補數。
引用自:http://hk.myblog.yahoo.com/jw!bLmJSgeRGAJ.9fMimzJyUWO8/article?mid=4113
新年納納雜
在“搬家前後”的回應裡, 很多朋友說我們的新居大左很多, 自己一直唔覺。直至農曆年期間, 天朗日日在家, 又常有朋友探訪, 拖地吸塵的時候就真正體會到 >> 新居真係大左很多 !!
初三的巡迴拜年團, 明年這個時候要拖一大(未夠2歲)抱一小(半歲), 恐怕已不能帶隊和大家四維去了。 有參加的29個B/S, 誰可以接棒呢 ??
初五去了海濱公園玩, 在旁有另一家庭 ~ 媽媽在織冷衫; 爸爸在草地上悠閒看書; 兒子(年紀大天朗小小)和菲傭玩得興高采烈 ~ How come !! 我得趕快和天朗轆多2轉地沙、追番梘泡
金融海嘯下, 可預計天朗的利事不及舊年。一對父母已嘗試力挽狂欄, 比上年加倍努力 (付出的亦比上年多), 連同小b的小小貢獻, 成績仍比上年稍遜10%.
我地盤人少(10隻手指數得晒), 然而地盤的揸fit人( 項目經理喎 ! ) 竟然側側膀唔派開工利事。 既然佢做得出, 為著區區廿蚊, 我會睇佢唔起 (我就係咁市儈 !!) 亦唔好怪我繼續做頂心杉1號。
相反, 就算已過初十, 約班舊同事食飯, 自覺 “官階比人高” 的都會自動自覺派利事俾我地班蛋散 ~ lee d 咪係大佬law.
近期迴響