彙整
牛年進步
敬祝各位好友 ~
牛年進步, 身體健康, 心想事成 !!
P.S. 這套衫今年穿剛好稱身 證明我上年買的時候受騙了
引用自:http://hk.myblog.yahoo.com/jw!bLmJSgeRGAJ.9fMimzJyUWO8/article?mid=3962
搬家前後
適逢持續嚴寒的一週, 適逢印姐在我們最需要她的時候走了, 剩下一對抱恙的可憐夫妻 >> 今次搬屋實在異常艱辛
搬屋前四日: 執呀、執呀、執呀 ~ 翻箱倒篋 ~ Pack 呀、Pack 呀、Pack 呀 …… 連路人甲都忍唔住問: 你屋仔細細點解可以收埋咁多野 !!!
搬屋前一晚: 婦孺(ManFish&天朗)先回外家暫避。 獨守空屋 ~ 是在這裡的最後一夜了 ~ 有點冷、有點不捨、有點失眠
15-Jan 09: 搬運公司晨早到達, 肯定各位壯丁都食飽早餐, 位位都異常快手、異常大力。 我 pack 了4日 “幾十箱野 & 傢俬電器” 唔駛一個上晝已經全部平安抵達新居。
收費合理, 服務態度亦好 >> 值得推介
搬屋後四日: 開箱、還完是絕對比pack箱更辛苦的 !! 執呀、執呀、執呀、抹呀、抹呀, 抹呀, 吸塵拖地, 重駁電腦電視DVD ~ 嘩 ! 超辛苦 !!!
率先享用新廁所
幸好, 大少暫時都很滿意這個新居
P.S. 新居的網絡連線終於在昨天接通了
第4者
在一年多前, 我和ManFish 的婚姻之間出現了 第3者!
他比我年輕、比我有型靚仔、比我更懂得氹人開心
理所當然地 ~ 當ManFish 飛到地球的另一邊, 掂念著的不再是我, 乃是他 ……
在家的時候, 擁著入睡的不再是我, 乃是他 ……
假日拍拖的對象不再是我, 乃是他 ……
因為他的出現, 我曾經寐食難安、轍夜難眠, 後來總算慢慢適應了。
我呢, 其實很有自知之明, 不會傻得不自量力地和他比較。
現在 第4者 悄悄的來了 (難怪那時心緒不寧 ) …… 雖然只有一面之緣, 未睇清楚佢個樣。 但我可以肯定“佢”各方面都不會比他遜色 !!
往後的日子: 誰較得寵又或是平分春色 ~ 我不知道; 我只知道 ~ 我的地位肯定趺至最低 而且多了4百萬 “人命債”
不瞞大家好了 ~~ 我們的2號債主將於今年7月隆重登場
印姐要走了
我家的印姐是在天朗剛滿月時上任的, 原本她的任期應到09年底 ……
她的工作表現 so far so good 啦 (起碼我看得出她有用心照顧&愛錫天朗, 不過其實她的主要工作應該是做家務)
做家務呢 ~ 她的能力&態度又真係麻麻, 近期又開始有些“脾氣”, 所以上星期我地搵左agent 同佢“傾吓計” 兼俾左封“改善信” 佢。
直至尋日, 發生了這事:
外母見佢滿懷心事, 成晚悶悶不樂, 追問下佢就話:
「 ~ 佢剛收到印尼家人的通知, 話佢老公有外遇仲攪大左人個肚,
佢對仔女(10歲、8歲) 好唔開心服藥自殺, 依家仲係醫院昏迷不醒 ~ 」
印姐表示: 佢想返印尼。
我們的決定: 那大家協議解約吧。
今日同佢去 agent 到攪手續, 簽協議解約信, 幫佢出機票 …… 聽日走得。
尋晚ManFish 問我信唔信印姐真係屋企有事 ?? 佢會唔會呃我地(其實佢另有高就) ??
我答: 其實我冇所謂, 反正結果都係一樣 >> 佢要走
人情上, 一場賓主, 我寧願佢係作故仔呃我地 (起碼, 我都唔想佢屋企發生咁不幸嘅事)
大家都係打份工啫, 如果佢另有高就, 何必阻人發達呢; 但如果佢屋企真係有事, 唔放佢走就實在太不人道 ………
雖然大家相信不同的神, 但願我們所信的神仍祝福她的一家。 明天再見了, 保重 !
又要再請人
08年尾節目剪影
08年的12月好像過得特別快, 很多事來不及記下已匆匆到了2009.
(又因為懶 很多時Manfish 那邊記了, 我就懶得再寫)
現在來個08年尾節目快速剪影:
天朗: 「未到聖誕, 我已經準備好禮物送俾朋友仔」
18.Dec – 和爺爺女麻女麻做冬
23.Dec – 去IFC 睇燈飾 (MaMa Blog ~ Merry Christmas)
23 & 24.Dec – 連去2次報佳音 (MaMa Blog ~ 電車報佳音with Eric)
25.Dec – 在婆婆家開大餐 (MaMa Blog ~ 第一次報佳音+聖誕大餐)
27.Dec – 去海濱公園參加爸爸同學的婚禮 (MaMa Blog ~ 特別的婚禮)
28.Dec – 和MaMa的同學在家玩到癲 (順便慶祝契媽生日)
29.Dec – 去TKO和賢兄賢弟玩 & 同女朋友撐檯腳
弟妹
巧合地我和ManFish 同是家中長子 / 長女
先得感謝我們的父母願意生多個, 讓我們的童年時代有好玩伴 >>
學習分享(爭玩具)、溝通技巧(嘈交頂嘴)、合作精神(點細佬妹做家務) …… etc
然而無可避免地, 因著弟妹的出現, 我們從小就要面對這人際關係中的第一個課題 – 失寵
我相信近8成身為 “長子 or 長女” 都曾覺得父母是偏心“細佬妹” ~ 弟弟/妹妹總是比較討人喜愛; 哥哥/姐姐總要乖、要做好榜樣、要遷就/照顧細佬妹 ……
細細個時(唔識諗) – 的確是覺得家人很偏心細佬
長大了 – 當然不會再介懷, 亦明白到父母用多些時間照顧弟弟很合理, 我若可照顧自己更可減輕父母的負擔 (以為自己好識諗)
現在已為人父, 又有完全不同的感受 – 看看天朗, 萬千寵愛在一身, 他每一個微小的動作、表情都牽動著我們的心 !! 由出世至今他都可擁有我們全家100%的愛護關注。
這個只有長子才有機會擁有的100% …… 我有3年, 現在才知道錯怪父母。
P.S. 又不可一竹篙“救”一船人, 事實上我亦親眼見有不少父母是明顯地厚此薄彼, 偏心么仔/女。
自己是過來人, 所以心底裡經常提醒要公平, 不可偏心。對於天朗, 起碼不要讓他覺得將來的弟弟/妹妹搶走了家人對他的關愛。
然而人總有盲點, 現在說得出不代表將來做得到。
今日 誌記於此 ~ 好讓大家為我們&天朗守望。
近期迴響