天朗 mini-廣告雜誌
天朗:「 奶粉點都唔及MaMa Milk 好飲 ~ 所以我成日都飲唔晒 」
天朗:「 bb唔飲檸檬茶 ~ 可以攞俾爸爸飲 」
天朗:「 牙仔餅 ~ MaMa話我就快可以食 」
做咩事咁開心 >>
天朗:「 親親大自然 >> lee 隻叫茄瓜 」
天朗:「 多吃蔬果身體好 」
天朗:「lee款曲奇餅我MaMa都好鍾意食 ~~等我打開黎睇吓先 ~~
wow 好香 … 我幾時先可以食呢 ?? 」
5個月大天朗 – 日日影精選
12 Apr 08 ~ 5個月大天朗 ~ 日日影精選
4 months 1st week
4 months 2nd week
4 months 3rd week
4 months 4th week
~ 5個月大天朗 ~
體重: 大約16磅半; 身長: 近排冇度
食量大減 ……得番平均4安奶 – 4餐
最新動向: 唔食奶、認人、快速轉身
唔食奶 – 係因為天氣熱, 定係出牙仔呢 ?? 情況係頭10~15分鐘都食得好順暢(通常食到4安), 之後突然發爛渣、大喊大叫 …… 然後就唔肯再食, 直情一見到個奶樽即 !! 抱起佢話唔食、唔食就即刻番, 點解呢 ??
認人 – 雖然未至於好似其他同年齡的 “黐媽b” 咁誇張, 但已開始唔俾其他人抱, 玩就咩人都冇問題。暫時可以抱抱的approval list有: Ma Ma、爸爸、公公、婆婆、姨姨 & 印印姐姐。
快速轉身 – 其實天朗成個月前已經轉到大半 (可能當時著得衫多), 所以一換夏天衫就表演快速轉身俾我地睇。 佢仲好鍾意係床到碌黎碌去 …… 依家真係睇少眼都唔得。
1個月 – 日日影巡禮: http://hk.myblog.yahoo.com/Carbon-Baba/article?mid=497
2個月 – 日日影巡禮: http://hk.myblog.yahoo.com/Carbon-Baba/article?mid=678
3個月 – 日日影巡禮: http://hk.myblog.yahoo.com/Carbon-Baba/article?mid=812
4個月 – 日日影巡禮: http://hk.myblog.yahoo.com/Carbon-Baba/article?mid=1107
摩打腳 + 極速轉身
除左訓覺時間以外, 其餘大部份時間天朗都係郁手郁腳加冇時停 ~~
依家換上短袖衫褲(輕裝)就郁得更靈活:
先黎摩打腳熱身
再表演極速轉身 (大約需時5秒)
如果要一面食手指一面轉身就要多d時間
唔玩轉身又可以玩做 Sit up
很喜歡這件衫的設計 “If mom say no, ask grandma”
引用自:http://hk.myblog.yahoo.com/jw!bLmJSgeRGAJ.9fMimzJyUWO8/article?mid=2571
「走出象牙塔,始於無止橋」
建築何之謂美 ~ 是一個很哲學的問題, 大部份地盤佬都不會作答
建築的理想 ~ 是一個很天真、很傻的問題, 大部份建築師工程師已不懂回答
曾經(還是學生的時候)以為讀建築可以建設社會 >> 起屋、起橋、起路; 讓人有家可歸、有路可走、生活更方便 …… 最後, 原來一切都只能以老闆 / 自己為先
較有上進心的: 每天工作, 運用其專業知識, 挖空心思為老闆/發展商謀最大利益, 如:
Ø 用盡法律漏洞、灰色地帶使樓盤可建最大的 “可售賣面積”
Ø 挑戰所有安全、環保法例使工程極速進行, 讓老闆 / 發展商的投資盡快獲利
較沒上進心的: 合埋眼跟code design、左抄右借搬字過紙不須用腦, (用料)有大冇壞包冇死錯人。設計出來的東西, 實際上做唔做到 … 關人隱事
專業人士, 我們是否只懂這些 “謀生技倆” 呢 ??
無意中在建築雜誌看到這個 Project … 實在值得我們反省
「走出象牙塔,始於無止橋」
位處中國西北一條簡陋的村落—毛寺村被蒲河橫跨分隔,兩岸單靠一條以泥躉、禾草和樹幹堆砌而成的簡陋獨木橋聯繫。 孩子天天涉水過河上學,險象環生,時刻面臨溺水的危險。 孩子滑倒、摔下、撞瘀、受傷,彷彿已成為生活的一部份。 這條簡陋的「獨木橋」每逢雨季都會被河水沖毀,學生只好無奈被迫停學,遙望彼岸。
有見及此,中文建築系吳恩融教授發起了「良橋助學夢成真」項目。先在港籌募經費, 再結合中港兩地專業人士和多所大學生(一團六十多位義工)的力量, 於短短六天時間替毛寺村建成了「無止橋」讓學童可以安全無憂地過河上學。
本來, 幾十人夾手夾腳起條橋仔、做件善事冇咩別 … 但看看他們設計時所花的心思, 就明白何謂「走出象牙塔」
1. 計劃小組發現橋樑只需高於河床1.5米, 全年就有95%的時間可使用。(高和大不一定是好, 夠用便成了, 不必浪費材料)
2. 最重要的是橋樑本身的建築材料主要取自毛寺村本身, 包括粗石、鍍鋅籮、鋼橋面、竹藤、木板和必要的螺絲及絲帽。 (就地取材, 村民也可出一分力)
3. 建造過程簡單、不需重型機械, 因此村民也可參與修建和將來的維修
4. 直線結構需講求準確度, 「之」字形的設計使日後村民在沒有專家在場的情況也可自行維修, 縱與原設計稍有偏差的裝嵌也不構成影響
5. 「之」字形的設計防止電單車, 汽車經過損壞橋的結構, 保障真正的使用者
看到這2張相 … 很感動 !!
原本, 還有一些地方可以讓人實踐理想,「無止橋」是一個信念, 內地仍存在很多條件惡劣的貧困地區,「無止橋慈善基金」正計劃在中國更多地方, 以相同理念建橋, 幫助更多有需要人仕
詳情, 可瀏覽http://www.bridge2china.org/ 或 http://www.cuhk.edu.hk/cpr/pressrelease/070313ppt.pdf
兒童節 第一次去野餐
4-Apr 08 兒童節 ~ 去野餐
趁今日放假, 我地同天朗去左大埔海濱公園玩 ~
但係睇黎 lee 個 bb 有 d 眼訓
唔知點解要帶頂粉紅色cap帽 …… 真攪笑
玩左一陣, 我地就開始 “野餐” 嘞 >>
咁樣算唔算野餐呢 ??
本來已經眼訓, 食左一陣就ZZZzzz
攪醒個眼訓b當然就會扭計啦 !!
之後仲打爸爸添 …… 不過轉頭又卡卡笑
玩完一身汗, 返屋企洗白白就最開心 !!
天朗似乎對隻新玩具好有興趣呢 ^.^
到目前為止天朗都係對 “紅色” 物件最有興趣
Frankfurt 雜碎回憶
好喇、好喇 ….. 這是德國之旅的最後一編 (已經俾人問: 去得嗰3日2夜, 因乜寫極都唔完 )
飛越9159公里 – 我地仲睇 / 玩過d咩呢:
酒店窗外景色
酒店遠景: (註: 這張相是當時有個傻佬穿著單薄衣服在酒店內(因有暖氣)閒蕩, 誤推一度 “只可出、不可入” 的門出外影的 ……. 影完之後拿拿林喪跑番酒店正門入口, 差d凍死)
當地的路牌 ~~ 係完全睇唔明
同樣, 火車站售票機亦都完全睇唔明 (所以呢 ………)
這副字畫, 雖然用上祖國文字 …… 都係唔明
外國的細路, 會唔會特別得意 ??
這個可愛
這個趣緻
這個活潑
(炭燒的主觀角度: 一定係天朗b最得意 )
走到街上, 四處都好似童話世界
人家的麥當當有得打籃球
人家的日用品店(近似香港的屈人氏), 有自助換片corner, 更有免費尿片供應 !!
香港幾時可以學吓 ??
帶愉快的心情回家, 飛機餐都唔算好難食啫
近期迴響