彙整
百日滋味在心頭
19 Feb 2008 ~~ 天朗 100 Days
早幾日到醫院探望朋友的初生寶寶。 嘩 ~ 好細粒 …佢bb (7磅4) 其實同天朗 (7磅6) 出世時差不多, 再睇番屋企個小肥b, 原來唔經唔覺天朗已經 長大左咁多
天朗出世100日 ~~ 時間好似過得好快, 但感覺上這個經歷又好漫長 … 百日滋味在心頭
初生頭3日天朗 & MaMa 仍在醫院, 每天只有2小時的探病時間, 每次見到bb都是在甜睡中 (偶爾喊兩聲, 細細聲 – 好似猫仔叫) 已為人父了, 但感覺仍唔多真實
3日過去, Thanks God, 大人細路一切正常可以返屋企 !! 正正式式當上 「做爸爸」這份終生職業 – 抱bb、換片、換衫、掃風、餵奶 …… etc. 一切由手忙腳亂開始
初生寶寶的生活需要其實簡單得很 – 只有食、訓 & 屙 ; 表達方式更是專一: 只懂哭。 但單單這4個字 (食、訓、屙 & 哭) 已足以令一眾新手父母歷盡失眠、擔憂、徬徨、迷茫、無助 ………
bb胃仔細只能少食多餐, 天朗每餐都攪成個鐘 (注意 ~ 係攪成個鐘, 唔係食成個鐘) 天朗特別鍾意嘆奶 – 啜幾啖就 ZZZzzz
對新手父母來說 「食幾多、夠唔夠」 已經無限疑惑 ……. 食飽了還要面對更嚴峻的難題 – 嘔奶 (曾經徵詢過兒科醫生朋友意見, 答案是: 初生寶寶就是會嘔奶, 沒有特別原因, 與你餵奶掃風的手勢好壞不一定有關, 不用擔心)
好一句不用擔心 …….. 新聞都見得多啦 ~~ 嘔奶可大可小、死得人架 …… 又有幾次, 明明掃完風、再等多半個鐘, 放低天朗出去飲啖水 jar …. 轉頭就見佢嘔到一身都係 (那一刻真是既心痛又自責 ….)
所以, 無數個夜晚2am、4am、6am 眼光光、眼定定, 望著我的甜睡寶寶, 唔敢訓覺
從此知道 …… 一個初生嬰孩比起坊間任何醒神藥品、咖啡奶茶更有效, 可以將人體精神耐力極限發揮
(為免嚇親其他爸爸媽媽、待產孕婦) 過程雖然辛苦, 但見到呀仔日漸長大已經心滿意足 !!
短短100日 >>
見到佢由最初每餐只能食20ml 到依家接近200ml;
喊聲細細似猫仔到依家聲線暸亮成層樓都聽到佢喊;
體重倍增、越來越墜手; 郁手郁腳冇時停; 又會撩人玩、同你笑 ….. 你就會驚嘆神的創造、生命成長竟是如此奇妙 !!
當你見到bb –
訓著覺個傻豬樣 :
好期待 MaMa奶嘅表情:
用力用力辦大事 :
食飽飽、好滿足個樣、你鬧佢, 佢又以為你同佢玩, 仲同你un ..gu..gu,
間唔中會傻笑 :
扭眼訓會發脾氣 :
訓唔醒就傻更更
表情多多古古惑惑 :
唔知幾時學識伸脷玩口水, 最近仲識埋玩手指玩玩具
過中喜悅、足以令之前所述的所有擔憂、辛勞一掃而空
你地又逗左幾多呀 ??
天朗: 今晚爸爸媽媽古古怪怪, 無端端放我一個人坐响梳化度 …
天朗: lee 舊紅色野係咩黎架 ??
天朗: 原來係我d利事, 你地又逗左幾多呀 ??
天朗: 唔好影咁耐呀, 冇人扶住我, 我坐唔穩架 !!(開始唔耐煩咁兩頭望)
天朗: 好野 ~~ 終於影完
同場加映MaMa旁述短片
P.S. 究竟今年收穫如果, 等過兩晚拆完利事再話俾大家知
結果公報 – 天朗今年逗到 6千大元利事呀 ~~ 勁 !!!
(當然, 當中包括爸爸MaMa的千元利事 & 爸爸MaMa自己的利事全部收歸皇帝仔所有 ….. 所以咪有咁多 law )
足球小小將
天朗,
爸爸介紹一班朋友仔你識:
佢地都算陪住你爸爸長大, 初相識時大家都係頭大大、腳短短嘅小學生 … 一班大同學仔, 係球場入面追追逐逐、出一身汗、無憂無慮 >> 就是最理想的童年生活 !!
見你剛滿3個月已經渾身是勁、腳法凌厲 ~~
同佢都有得揮 bor !!
爸爸當場希望你將來唔好淨係掛住上網打機, 多d做運動、追追逐逐、跑跑跳跳、活潑開朗啦
Home Alone
終於 ~~ MaMa 做回飛女
天朗亦已在婆婆家安頓好
而我就要重新適應 Home Alone 的日子
當然 ~ 要適應的不只我一個 …….
我想 ManFish 一個人在out-port 的日子會比我一個人在家難過
可惜, 我又未有能力"養起成頭家"
又不過 …… 市面上又唔係有幾多份工可以返幾日, 放幾日 …..相對地我地可以見bb 嘅時間又可能比一般 “在職MaMa" 多 bor ….. 真矛盾
唯有呢 ~ 希望大家都可以快d 適應啦
3個月大天朗b – 日日影巡禮
話咁快 ~ 天朗b已經3個月大喇
2 month + 1~7 days
2 month + 8~15 days
2 month + 16~24 days
2 month + 25~31 days
3個月大 天朗b :
體重: 大約15 lb
食量: 6安奶 – 5餐
已戒夜奶, (如果)夜晚12點幾訓著, 可以一覺訓天光到第二朝8點
最活躍時間: 晚間8~11點 – 會不停撩人玩、同人講野
1個月 – 日日影巡禮: http://hk.myblog.yahoo.com/Carbon-Baba/article?mid=497
2個月 – 日日影巡禮: http://hk.myblog.yahoo.com/Carbon-Baba/article?mid=678
年初四 大BB探細bbs
10 Feb 08 星期日
返完教會, 我地就去左探MaMa 好友的bb.
3個月大 & 未滿月的bb
天朗:「爸爸點揸機架 ~ lee 兩張相影得我咁肥 !! 」
借人地b女一用 …… hehe 我地唔駛3年就可以抱兩, 湊成個好字 !!
合照
近期迴響