彙整
07年終小結
這個Blog今年初四開張, 原意是想記錄地盤佬的生涯 ……誰知, 今年只做了四個月地盤佬, 地盤自四月離奇路陷之後就荒涼至今……
香港就係咁胡鬧, 同螺灣3越掟部秤落街 >> 依家已經拆完嘞; 衫look Ling 飛架(吊)車落山 >> 亦已經重開。 所以話呢, 當場斷正反倒可以早早結案陳詞, 重新黎過; 無頭公案就遙遙無期 …… 錯 ~ 就只怪我地唔夠惡, 簡單一句 「係我地錯就快d告我地、法庭見; 唔告的話, 我地聽日就開工 !!」 就係冇人夠膽講 …
仲好, 俾我專心湊仔
這是07最後一篇了, 在謹此祝各位 yr08 快快樂樂、身體健康、新年進步 !!
猛長二期之勁食馬拉松
過了聖誕天朗不再做小魔怪, 改玩馬拉松 ……
猛長二期並唔係樓盤名(e.g. 國金二期), 而係人奶b其中一個生理歷程。回想天朗b第一次出現猛長期的時候就發生過“深夜密密食”的情況 (當時我地仲未知係咩事
)
先解釋咩係 猛長期 (Growth spurts)
“猛長期”這個辭彙，對於中國媽媽來說相對比較陌生，卻是國外育兒領域裏耳熟能詳的一個普遍概念。一般來說，“猛長期”出現在三個星期、六個星期、三個月和六個月左右。這時嬰兒所需要的養分比較多，他就通過頻繁吸吮來刺激母親製造更多的乳汁。在這種時候，堅持勤餵幾天，一旦乳汁分泌量達到寶寶的要求，他的吸吮自然會降低頻繁程度。
因為母乳的製造是demand driven supply 的, 即寶寶吃的越多，乳房就會生産越多的奶。故在“猛長期”這種現象的情況下，寶寶的大飯量不過是大自然保證母親身體增加母乳分泌量以滿足孩子生長需求的手段。
至於今次的馬拉松點玩呢 …
11pm 肚餓嘞: 先黎幾分鐘饑餓式迫切吸吮（伴有急促吞咽聲），然後就開始馬拉松式嘆奶 (45min ~ 1hr 半夢半醒輕緩吸吮), 似乎食飽啦>> 掃風&“暗”佢訓(~15mins.) >> 好喇, 心諗我地都可以訓喇 (正常而言bb食飽可以安睡~2hr) …… 點知放低佢落bb床唔駛幾分鐘即喊 >> 抱番起佢安撫情緒再“暗”佢訓 >> 好喇, 心諗我地都可以訓喇 (已經半夜2點幾)
未夠3am又喊: 口口擘擘好想食 (心諗, bb: 你啱啱先食完唔夠半個鐘又想食, 有冇咁肚餓呀 ??) 點知又食到大半個鐘 >> 好喇, 終於都可以訓喇 (已經差不多半夜4點)
4點幾喊又想食 ~~ 嘩bb 你唔駛訓架 ??!! 今次唔知佢食幾耐嘞, 因為兩個大人都已經太攰, 又同bb一齊係大床訓著左, 第2朝訓醒先知 (好在冇責親bb)
日頭呢 … 都係馬拉松式嘆奶 (半夢半醒輕緩吸吮成個鐘), 但係食飽又唔肯俾人放落bb床, 一定要人抱 ……… 轉頭訓醒又要食
真的是難為了MaMa,
好在專家話 Growth spurts usually last 2-3 days ……
聖誕小魔怪
今個聖誕, 謝絕了一切外出活動 (連報佳音都冇去) 一家三口留在家中欣賞燈飾都可以好溫馨 
而且自bb出世個幾月來冇覺好訓, 爸爸MaMa 都想好好休息一吓
誰知 ……
第一晚: 天朗已經同我地開 party 到零晨4點 (剛剛先讚緊佢乖開始學戒夜奶) >> 又唔肯食、又唔訓、成晚扭抱 & 狂喊
第二晚: Encore再開 party 到5點, 應該肚餓又唔肯食、應該眼訓又唔肯訓 …… 點解呢 ?? 唔通唔舒服 !! 但係日頭又好正常、好乖個bor !!??
第三晚 再黎 ~~ 見愛兒如此辛苦, 想食又食唔到、想訓又訓唔到, 真係心痛死爹娘。
第二晚其實已開始懷疑係肚風, 試過用BB油捽熱自己雙手, 然後同BB肚仔按摩, 但係好似唔多work, 最後3人力戰至5點相繼倒下(一齊係大床訓著左), 第2朝訓醒先知 (好在冇責親bb)
觀乎小兒連哭三夜之症狀, 極有機會係“肚風”作怪, 急急上網搜尋可有解藥良方 …
最後搵到隻叫“吳德物次” 嘅腸痛水 (個名真怪 ~ 初頭真係唔知佢係乜野, 後尾先知原來佢都算係名牌子, 我地細細個都有食過佢)
最後希望 ~~ 第四晚俾bb食左小小“吳德物次” >> 又Work bor !! 肯食、肯訓、冇喊 ~~ 嘩 !! 有救喇 ~ 感謝主 !!
第五晚: 12點幾見小魔怪開始變身, 拿拿林俾隻腸痛水佢飲啦 ~~ 唔知係咪side-effect 呢, bb突然好開胃 >> 由12點幾食奶食到3點幾都未收工 (雖然都係斷斷續續食, 但已經係平時的2倍食量 ……)
今晚第六晚: 究竟會點呢 ?? 這個聖誕真刺激 !!
引用自：http://hk.myblog.yahoo.com/jw!bLmJSgeRGAJ.9fMimzJyUWO8/article?mid=1749
12月16日 – 好多人黎探bb
我地屋企都好耐冇試過有咁多訪客喇 ~~
因為uncle Calvin & auntie Winnie 結婚, 就係我地屋企樓下酒樓擺酒, 所以好多朋友就可以順道上黎探bb嘞 (第一次唔駛搭車去飲, 真係好正!!)
其實bb大部份時間都係ZZZzzz, 班細路就玩得最開心 !!
你睇 ~~ 樂樂姐姐因為掛住爸爸哭得梨花帶月, 天朗都係繼續ZZZzzz
在此補祝一對新人百年好合、永結同心 !!
天朗首月成長里程
根據衛生署的指引, 接近滿月的嬰兒可以有以下各方面的能力：
活動
四肢活動仍未能協調，會經常用力舞動手臂或踢腿。
未能獨自承托頭部，但俯臥時能把頭抬一陣子。
經常握緊拳頭，本能反射地抓住放到手中的物件。能把雙手放近嘴巴和眼睛。
對突如其來的聲音和移動，四肢會有反射的躍動（即所謂「紮一紮」）。
出世一週的喊聲已如此強勁
活動能力 >> 合格
| 視覺
喜歡留意人的面孔和對比強烈的圖案(如黑白圖案)。 視線能有限度地隨人的面孔或具吸引力的大物件移動。 視覺 >> 合格 |
| 聽覺
留意人的聲音，而且特別注意高音。 媽媽的聲音及柔和的音樂可舒緩寶寶的情緒。
聽覺 >> 合格 |
| 社交溝通技巧 & 其他感官發展
會辨認媽媽的氣味。懂得笑。起初會無緣無故地笑起來，漸漸會因他人逗弄而笑 。 喜歡別人摸他、抱他，也喜歡被輕輕搖晃的感覺，所以摟抱可以安撫寶寶情緒。不喜歡別人對他粗魯。 |
MaMa 當然係至愛 !!
訓訓吓都識笑
社交 >> 完全冇問題
除此之外, 天朗b在這一個月還有以下這些 “成長里程”
Ø 初生頭1~2星期, bb仲未識得通知我地佢痾左臭臭, 大懵爸爸MaMa有時唔記得換片就會攪到d臭臭乾哂黏住個pat pat 好耐都唔知 ~~ 到依家大個仔痾完臭臭就識得大叫通知我地快d換片片
Ø 初生頭1~3星期成日嘔奶 (攪到人心惶惶, 食飽左爸爸MaMa好多時都唔敢放低佢) ~~ 到依家已經嘔少好多, 如果我地未掃到風就放低左bb, 佢就會唔肯訓 + 左擰右擰 + 大叫提醒我地仲要繼續掃風
Ø 滿月之後自動自覺嘗試戒夜奶 (雖然仲未成功) 不過bb已經識得 1~2am 嗰餐食多d然後訓到 6~7am 先再食。 好叻仔架 !!
滿月bb 表情多多
趁星期六有時間, 一次過整理bb的相 ~~~ 由出世到現在轉眼就一個月喇 
睇番相bb真係大個左好多, 而且表情多多 !! >>
第一週
第二週
第三週
第四週
炭燒地盤佬 
近期迴響