彙整
Day 18 – MaMa 病倒了
應該同天氣轉涼無關 …… 不過ManFish MaMa 還是病倒了 >> 是皮膚敏感
其實早兩日已有先兆, 係食錯野 ?? 定係休息唔夠, 抵抗力差左, 所以唔舒服呢 ??
Anyway, 睇完醫生, 結論都係要食藥、查藥膏 & 休息多d
請大家為ManFish MaMa 代禱 – 要快d好番呀 !!
為安全起見, bb由尋日開始轉食全奶粉 …….. 冇得埋身食MaMa Milk, 天朗好似唔多開心, 成日扭計唔肯訓、又同爸爸玩 “小食多餐"…….
bb, 你要乖d呀 ~~
唔好以為佢訓左呀(雖然個樣好似) 其實佢扮訓覺咋 >> 一放低佢就喊架喇
Day 12 – 第2次去街街
上星期五 23 Nov 07, 天朗b第2次去街街 (都係去健康院檢查)
今次專登帶多頂帽, 希望唔好凍親個頭仔 >> 不過頂帽太大, 所以帶極都帶唔穩 (似裝飾品多d)
睇見佢個樣好似唔多開心…因為之前一晚不停嘔奶, 所見bb心情麻麻
雖然最後醫生都話一切正常, 不過嘔奶問題仍然很困擾 …… 唔知係咪我地掃風手勢唔好, bb食完奶有時掃成半個鐘都ur 唔到 (d 人又話餵人奶唔駛 / 好易掃風 ??!!) 但係放低佢轉頭又嘔奶 … 點算好呢 ??
梨喎淺笑 @ Day 11
bb: lee 件綠色衫衫係姨婆婆送俾你架, 鍾唔鍾意呢 ??
朋友話張床單個 ZZZ blackground 好襯你個甜睡look
其實你都有眼仔碌碌嘅時候架
有時朋友黎探bb, 而咁啱你食緊奶or訓緊(唔方便見客)……我地就會用部電視load d相出黎俾大家睇住先
前幾日睇相過程中, 我地有個新發現 (平時真係唔覺, 係部電視放大左先見到)
原來天朗bb有2個"酒粒仔"架 ~ wow~ 將來實冧死女
天朗b第一次出街 (19 Nov 07)
d 老人家話坐月期間唔可以吹風, 如果唔係冷親就手尾長 …….. 所以天朗 & MaMa 唯有 “三步不出閨門" 日日乖乖留在家中
好彩, 還有這個可以 “奉旨" 出街的機會 – 去母嬰健康院檢查
所以只有8日大的天朗就有機會去街街喇 !!
由於當日朝早得17度, 所以大人細路都要包到實晒 ~ 難得可以出街, 真係未出發 先興奮
登記完, 發覺今日行程緊湊:
先去16號房磅重 >> 1B見護士 >> 見醫生 >> 11號房打針 >> 20號房母乳餵哺指導 >> 再登記預約下次檢查
磅重要剝光豬架, bb比出世時輕左0.2lb (姑娘話由於bb仍在收水期, 所以體重正常)
由於健康院勁多人 (國內同胞尤其多), 磅完重之後等見護士都等左成個鐘
睇吓 …
MaMa 已經等到呆晒
(心諗 … 宜家都未見護士, 咁幾時先走得 ?? ) 點知見到護士, 問完一大埋問題, 護士就話 「一切正常, 今次未駛見醫生住, 你先去20號房母乳餵哺指導, 然後返登記處約埋下次檢查同打針時間就走得嘞」
而我地嘅甜睡寶寶維持一貫作風, 全程都是ZZZ zzz
的士去、的士返其實全個旅程見到陽光時間都唔夠3分鐘, 不過總算叫做出過街啦
近期迴響