工地巨無霸

要數工地中的巨無霸 – 除了天秤以外, 就非這些大型起重機莫屬

地盤最常見的有這兩種:

Mobile Crane 膠輪起重機 (俗稱 “膠軑”)

Crawler Crane 履帶式起重機 (俗稱 “鍊板”)

膠軑的吊臂較長亦可以伸縮, 靈活性較佳, 但需要在平坦的地方操作; 鍊板較笨重, 但穩定性較佳, 可在崎嶇的地方操作。兩者各有所長。

 

它們的型號是用體重做單位的 (即它們自身的重量越大, 吊重能力越高), 香港常用的型號由最小的50噸至最大的400噸不等。

 

早前做沙田馬場擴建的時候, 有機會見識過 800噸的履帶式起重機 (香港冇貨, 要專登由德國拆散坐船黎香港, 然後半夜封路再用幾架特長大拖頭先可以將各部份逐一運送到地盤, 認真誇張 !!

泥足深陷 的 小雞

唔好心邪 

挖泥機係地盤俗稱 “雞頭 – Backhoe”; 雞頭係地盤用途廣泛 – 挖泥、填路、開山、打石、負重運輸、翻山涉水動靜皆宜 ……

不過, 細雞仔因為性能所限, 間中都會泥足深陷, 不能自拔 –

作病

作病

 

上星期已經發覺唔多精神, 今個星期日開始喉嚨痛, 然後星期一開始周身骨痛….. 一切都是作感冒的先兆呢 ~~

 

可惜今個星期地盤要做大龍鳳, 要留底主持大局走唔開。

最緊要唔好傳染ManFish MaMa 就得喇 ~~

Evan Almighty 嚟多件衰鬼上帝

終於都可以約埋班組員一齊去睇Evan Almighty, 算是娛樂性豐富, 亦有很好的信息, d 動物一對對 side by side 亦都好cute, 值得一看。

故事講述剛獲選為國會議員的Evan（史提夫加維飾），為方便工作，決定和家人由水牛城搬到華盛頓。大鄉里Evan一心以為自己仕途一片光明，正準備大展拳腳，卻又像當年的Bruce（占基利飾）一樣突然遇著黑鬼上帝（金像得主摩根費曼飾）。黑鬼上帝仲命令佢要好似聖經記載健造挪亞荒舟，並要將地球上所有生物一雌一雄帶到船上，避過世界被大洪水掩沒之災。Evan家人知道後以為Evan人到中年發花癲，但憑上帝啓示後，全家支持Evan，最後完成使命……

當中令好多人有深刻感受的相信是, 上帝化作侍應向主角太太說出一段話 (大致是) :
When people ask for having courage, how can he get the courage? He needs an opportunity to be couraged. When people ask for patience, he needs an opportunity to be patient. When people ask for a closer family, what do you think they need?"

當人向上帝祈求勇氣, 祂真的賜給他勇氣還是一個鍛鍊出勇氣的機會?
當人祈求忍耐的時候, 他需要的是鍛鍊忍耐的機會.
當人祈求一家團結的時候, 你認為他需要甚麼?

對我而言, 最impressive 的一幕反而是:

上帝顯示給Evan看他住的地方原先是一個美好的大自然景色 (一大片森林、山谷), 上帝說: I want to show you my original design.

猶記得還在火雞大學的時候, 與一位姊妹分享到我們讀土木的矛盾 (當時在campus內遙望著西貢海&連綿的山脈): 上帝創造的大自然好靚, 但我們所讀的專業卻正正相反 (用盡一切的方法去破壞神的創造 – 開山劈地、移山填海、掘隧道、築水壩截洪流、樓 – 有咁高起咁高、地 – 有咁深掘咁深….. ) 。

雖不是主謀, 但就是我們這班幫凶, 將神的 original design 變成石屎森林呢 !

還有戲中另一句對白, 是送給曾經同我一齊返教會, 但現在不知身在何方的你 / 妳

“How long do you want to hide from Me?  I got Eternity." 

上帝對Evan說：「你要逃避我到幾時？我有的是Eternity(永恆)！」

準爸爸的喜與悲

根據ManFish MaMa 的倒數計, 大概再過70日我地就可以同bb見面喇。

越來越多人問我就快做爸爸有咩心情, 近排亦多左人問我係咪好大壓力……我諗, 都應該同ManFish 早排個 “夜間報導” 有關。

其實我都唔知自己算唔算好大壓力 (至少lee幾晚冇午夜夢遊), 但係有專家話:

太太懷孕，每想到BB快要出世，準爸爸的心情，難免有興奮，亦有一連串的擔心。一項研究發現，在太太懷孕的產前階段，準爸爸最少感到4項焦慮不安的事情，包括:

1. 擔心胎兒的健康狀況          69.3%
2. 擔心太太懷孕非常辛苦     58.8%
3. 擔心未來的經濟負擔加重  53%
4. 擔心太太有產後抑鬱   40.6%
5. 擔心BB的照顧安排      38.6%
6. 擔心自己不懂湊仔     28.4%
7. 擔心太太有產前抑鬱   27.8%
8. 擔心太太生命有危險   21.7%
9. 擔心失去個人空間及放棄興趣   19.4%
10.擔心懷孕生產的花費      16.8%

香港兒童心理健康中心臨床及家庭心理治療師郭迪舜表示，有改變就要適應，但在新手爸媽的角色適應進程上，爸爸明顯輸蝕。「從心理角度分析，準媽媽自證實懷孕那刻起，已覺得自己是媽媽，可感應到肚內BB的呼吸、心跳、日漸長大，親密感已建立。而準爸爸則不同，眞的自覺成了『爸爸』，是從BB出生那刻才開始。換言之，爸爸會較媽媽遲9個多月才開始適應角色上的轉變，到眞的要落手落腳抱BB幫手換片餵奶，一份生疏的無所適從感覺，在所難免。」

一份生疏的無所適從感覺，在所難免 ……… ??!! 都係求主保守啦 ~~

引用自：http://hk.myblog.yahoo.com/jw!bLmJSgeRGAJ.9fMimzJyUWO8/article?mid=629