Fax 屎

這是2007年8月29日的記錄

今朝, 腦細有一份很重要的文件要fax俾某公司 (內容連抬頭& fax no.都是他親筆寫的), 他亦紆尊降貴親身到fax機前按fax no.

可惜, 某公司好奇怪, 成朝都 “打唔通”

飯後, 腦細叫秘書幫佢fax好這份重要文件 …… 秘書先用 “Re-dial” 功能重fax >>　２小時過後　>>　依然　“打唔通”。 秘書再依照腦細親筆寫的fax no.再試　>>　又過多２小時，都係　“打唔通”……　點解呢　？？？？  

秘書細心追查事情始末，發現　>>　腦細一開始“親筆寫的＆親手按的fax no.” 就是我們自己office 的 fax no……

所以，fax 左成日都　“打唔通”，而我地亦全日都收唔到任何一張fax 

香港建築業歷史性罷工 & 遊行

唔知聽日, 會有幾多地盤佬 「行出來」 ??

轉貼自(明報新聞)

公眾集會及遊行上訴委員會裁定紮鐵工人有權在中環遊行，而職工盟同意把遊行由星期六改為星期日進行。而委員會稱，不應限制的遊行人數；遊行是基本公民權利。當日的遊行將會在早上十一時至下午一時舉行，遊行隊伍會從中環遮打花園遊行至政府總。

轉貼自 (discuss.hk) 香港建築業歷史性大罷工

幾十年來, 香港建築業未試過大罷工.
貨櫃碼頭, 巴士司機, 海員, 教師, 差佬等等都試過.

本人相信的基層唔去到最危險關頭, 都唔會罷工.
香港建築業好多年來都被地產商, 大判, 二判…..剝削.
因為分判制度, 令到地盤佬無得反抗, 團結, 議價能力.
你唔做, 大把人去做! 就算經濟好左都被人噤住!

歷史性地, 扎鐵佬肯挺身而出, 唔怕蝕底的精神, 而抵受無收入的顧慮
去話俾香港人聽, 基層工人的苦況, 有錢人的無理剝削……

我非常佩服你地, 雖然對某些人不便, 但起嗎團結左我地建築業!
相信以前, 無人咁對業主咁大聲講野. 希望以後都會…..

今次係一個好機會去表白我地建築界的力量, 去話俾人聽"我地並唔係好恰".
你今次走唔走出來講野, 將來結果一定會受影響!!

大家一齊去想一想?

扎鐵佬．我撐你 !!

扎鐵佬頂住呀 ~~ 唔好輸俾d無良顧主 !!

建築界向來一盤散沙, 以致前線工友長年受盡欺壓 ……  終於等到扎鐵佬站起來 證明

「團結就是力量 !!」

擺工第8日, 全港已有4份1地盤宣佈癱瘓, 相信扎鐵佬堅持多幾日, 將會有更多地盤失守 …… 若然其他行頭的地盤佬加入戰團, 真係有可能改寫歷史, 來一場香港建築界的革命 !!

我唔係“唯恐天下不亂”… 而係現行建築界的顧傭關係對工人極不公平, 而且 “賤價投標、剝削工人以減低成本增加商人利潤…等” 造成惡性循環, 到最後受苦的都是前線工友 !!

好多行外人會話人工應該由市場調節, 由供求決定等等……

其實建築界的市場很細, 需求(顧客) – 黎黎去去都係嗰幾間大地產商; 供應者 – 得番十幾間大承建商。供求就操縱在他們手上, 那用理會工友生計 !!

心水清的人會問: 「仲有判頭呢??」

判頭仲離普, 其營商之道好簡單: 低價投標 >> 然後扣除自己利潤, 以更低價判俾另一個判頭做 >> 賤價接標, 扣除自己利潤, 再以更賤賤價判俾另一個判頭做 >> 先到工人 (仲要個個都係散工, 日薪計, 毫無福利可言) …… 一層判一層, 層層抽水, 實質$10的工錢, 到工人手隨時唔夠$4.

一個唔好彩其中一個中層判頭週轉不靈 >> 執埋 >> 就會出現新聞成日都見 – 成班工友 “有汗出、冇糧出”的情況

現在難得扎鐵佬肯冒險站起來, 身為地盤佬一份子 ~ 我一定撐你地 !!

「專制爸爸」

我們的家, 是一對潘氏小兄弟的渡假天堂,

詳情可見於:

http://hk.myblog.yahoo.com/Man-Fish/article?mid=498&prev=499&next=491

http://hk.myblog.yahoo.com/Man-Fish/article?mid=180&fid=16

http://hk.myblog.yahoo.com/Man-Fish/article?mid=82&fid=16

主要原因, 是他們可以暫時脫離「嚴謹的家規」&「專制爸爸」的監管, 可以盡情玩樂 >> 飲氣水、食炸雞亦、打機、夜訓、去冒險樂園玩、勁睇卡通片 ……. 不過佢地都好乖, 知道只可以玩幾日, 縱然依依不捨, 到要送佢地返屋企的時候都唔會扭計。

雖然我地成日都話, 他們的爸爸是「專制爸爸」咩都唔俾, 千奇唔好學 ……不過, 有邊個父母不愛錫仔女呢 !! 再者, 若不是有這種 「專制爸爸」, 潘氏小兄弟又未必會咁乖、咁聽話。

易地而處, 我亦有可能 “有口話人冇口話自己” …. 哈哈 ~~ 若果將來我變左做另一種 「專制爸爸」咁就靠哂咁多位 “表哥/表姊、Auntie / Uncle” 得閒帶仔仔去 “渡假”喇  

暴風中的福音營

由籌備福音營開始, 都只擔心天氣會唔會太熱, 怕唔怕中暑 …… 終於, 臨出發前2日, 神話俾你聽:「仲會打風!!」

 

坦白講容我小信, 入camp前一晚有姊妹問我仲印唔印camp book的時候, 我答:「睇定d先, 聽朝再算」

 

By faith !!  出發前2個幾鐘, 神及時叫風球退下 ….. 當大家齊聲 Hallelujah 稱頌神的時候

 

呀帕布又吹番轉頭 　>>　福音營的主題 – 奇異“天“power, 唔知道一班參加者又感唔感受到神創造的大能呢　？？

 

神叫萬事都互相效力，雖然個風走左又吹番轉頭，原定３日２夜的福音營未夠一半就要走。但其實祂早已安排了另一個福音主日緊隨其後, 班學生肯再來的話, 都算是奇異“天“power的下集吧 ~

 

P.S. 今次福音營, 因著種種限制, 唔可以同大家一齊入camp, 因而亦miss左好多寶貴的經歷。不過, 最重要的是 深盼,學生們能找到他們人生路上的"路標"——主耶穌

引用自：http://hk.myblog.yahoo.com/jw!w6QGWGeXHR7BrtJANoksGrMvl9gP/article?mid=253

我冇改密碼

現在已經到了web2.0的世代 (雖然我都未知咩叫web2.0), 連地盤佬都要與時並進 >>

施工用的圖則、相關文件都開始用網絡傳送 (即每個project都有一個特定的網上database, 各相關公司、業主顧問等都可以在server上收/發資料) 非常方便 ^.^

 

可惜 “腦細” 係上一代的人, 不太擅長網上的運作 (我需要澄清, 佢絕對唔係唔識, 只係唔擅長), 所以佢一早將佢既 login & password 俾左我, 等我可以定時幫佢check / download有關文件。

 

有一日, 腦細話有份新到文件, 叫我上server download 落黎俾佢睇睇.

上到網, 但login 唔到

我問:「腦細 ~ 你改左password 呀 ??」

腦細:「 冇呀 ~~ 」(隨即走開左冇再理我….)

第二日腦細又問我download 左份文件未, 我再上又係login唔到…. 

再問多佢一次:「腦細 ~ 你係咪改左password 呀 ??」

腦細 (好似唔係好信我咁) 走埋黎:「 冇呀 ~~ 」

咁我唯有當面試俾佢睇 (例如佢密碼係a123456) 當然都係login唔到啦

腦細:「都係123456 ~~ 將a 轉做b 咪得law !!」    

當時 >> 我除左 “啤一聲” 之外, 真係冇野好講 ~~