Home A&A 家居改建工程-2

攪掂睡房, 下一步就要改建書房 >> 原本書房的模樣 >>

幾經掙扎, 最終都要掉左既大張又實用的書檯, 換張細細地的電腦檯 (e …. 佢好面善bor…..冇錯, 佢就係之前放係睡房的梳妝檯….) 就可以騰出小量空間將來放bb車 >>

原本的細書櫃亦要搬家 >> 新住客是這個bb專用四桶櫃, 可以放衫仔、奶樽、尿片

相信大廳、廚房等都會有小改動, 不過詳情仲要諗吓

 

By the way, 對於花多眼亂的bb床、bb車 真係唔知點揀, 有冇有經驗的朋友可以介紹吓呀 ??

Home A&A 家居改建工程-1

屋企的setting 原本係以兩個人生活為出發點設計的。如今至愛bb就快來到我們的家, 所以要做少量家居改建工程 (Home A&A Works), 迎接即將來臨的小生命

最先要做好的是睡房 – 由於窮、再加上地產商無良, 所以我地同好多香港的小業主一樣, 都係住緊縮水樓 >> 個個房都有特大窗台 >> 攪到個睡房擺得床黎就冇路行

為咗善用空間, 床要特別訂造, 將半張床要 “騎” 上窗台上面。可以慳到唔少位, 但係張床就會高咗好多 …… 明符其實係 “高床軟枕”。從前都有考慮過這個問題, 好在ManFish 同我都算體態輕盈, 所以張床高少少都唔成問題。

當然, 依家ManFish MaMa 粗身大細, 就唔可以俾佢再爬高爬低, 而且亦要搵定位將來放bb床 ……

構想中的改建方案:

 加個地台就可以縮短床面同地面的距離 >>上落床就唔駛再爬高爬低，亦可以增加儲物的地方。搬走舊梳妝檯，將來就係放ｂｂ床的地方。

改建前：

改建中：
改建後：

ManFish MaMa已經急不及待執緊野