東京遊之初探日工地

雖然未有機會入去地盤睇吓, 不過搭車、行街經過都可以係門口 “裝裝吓”

不得不讚, 日本仔 d 地盤係整齊好多, 起碼個門口「四四正正」, 佢地似乎幾鍾意用白色石膏板做圍街 + 趟閘, 所以望落去會好整潔。

係香港, 通常圍街用紅漆油工字+坑板, 外面包綠色棚網 >> 相比之下, 就冇咁好睇

至於地盤入面, 係超整齊 !! 真係好難明白點解可以咁整齊乾淨 !!

之後仲見到架石屎車, 好細架, 好鬼Q板 !!

日版石屎車 – 乾淨、細細架

港版石屎車 – 有時乾淨、大大架

東京遊之Wii攻略

就因為一句: 「因為老婆想玩, 所以我買Wii」(我懷疑係任天堂放上forum o既廣告標語) 去到東京, 途經每間game shop / 電器舖都會睇吓有冇Wii賣

行勻新宿&秋葉原, 證實左一件事: 香港人真係好幸福, 一部由日本人發明 “Made in Japan” o既遊戲機, 連原產地 / 東京都冇貨、賣斷市, 日本仔有錢都好難先買到, 但係香港就通街都有得賣… 真係奇 !!

連日黎, 見得最多就係 「品切中」、「完賣御禮」、「次回入荷日未定…」

以我多年打日文game經驗, 「彈切」代表戰機冇子彈, 「品切中」相信係解冇貨, 再與各店員以(英+手)語印正, 現況係:  Wii & NDS 都賣晒, 冇貨&唔知幾時先有貨…

 

到第4日其實我地都放棄左, 諗住番香港買算 …… 晚飯後隨便四圍散吓步, 無意中見到一間小店門外 :「Wii入荷 !! …殘1台…」

入去問吓, 真係有得賣……不過連稅後價錢仲貴過香港 ~~ 搵笨  !! 之後ManFish 就話: 「可能今日返左貨bor, 不如去其它game shop 碰碰運氣」

嘩 ~~ 人頭湧湧, 仲有塊唔知咩牌係度舉吓舉吓 >> ManFish 即刻排隊, 我就用(英+手)語同店員溝通同影底這歷史性時刻。

引用(0)

東京遊之新宿酒店Vs五星級的家

東京之酒店舉出聞名 >> 超細 ~~ 果然聞名不如一見, 實情係超超細 !!

原本有諗過住民宿, 但又想ManFish住得舒適一點 (家吓佢唔捱得ma.) 終於都係揀番酒店, 但又由於決定得遲, 最近新宿Jr站的港人熱點 “Shinjuku Prince Hotel” 已經full左, 唯有退而求其次揀遠小小的Washington.

心諗……價錢同同區酒店差唔多, 話晒都係四星級, 應該唔會太差掛……… 點知出事

間房細就一早預咗, 但估唔到佢地除基本傢俬外, 仲加送 “不舒適的按摩椅”、”奇怪的熨衫裝置”& “超阻路茶几”, 務求令原本已然好細o既空間 >> 更細

攤開埋個行理喼, 即刻行都冇位行

另外“床+枕頭+被”的配搭亦係一絕 …… 我唔敢講佢地係咪cheap 野, 但總之就係晚晚都訓唔著 !!?? (識我o既人都知, 我係嗰d隨時隨地都可以訓著o既人)

最後係個窗, 好難得以“酒店”既設計可以將個窗造到同“船艙 / 機艙”差唔多大 ??

不過算啦, 反正…..

原來, 咁已經係四星級酒店……番到屋企終於有覺好訓, 而且我相信……我的家已經達到五級水平

工地失火

工地失火, 實在平常不過, 分別只在於有冇勞煩到消防員甚至見報就比較麻煩….

今次 >> 又要勞煩到消防員哥哥出場, 好彩只係一場鬧劇:

今朝地盤其中一部風機, 可能機件過熱 + 漏油, 引發小火 …… 附近各(據聞有4~5個)工友立即迅速&熟練地執起滅火筒 >>> 1、2、3 發射 !! 唔駛3秒就救息哂d 火 (平時又唔見佢地咁有安全意識同效率) !!

可惜由於工友們救火落力過頭, 4、5個滅火筒加埋原來可以噴出一舊好大呈蘑茹形白煙。 附近友好街坊見到以為地盤俾原子彈炸中, 報警求助……

唔好意思……要你地full gear 衝入地盤…..辛苦哂.

4月3日感恩日

今日知道原來BB已經有心跳 >> 佢得粒米咁上下大 ……就已經有心跳, 神所創造既生命, 真係好奇妙 !!! 就快做爸爸, 之前一直都冇咩感覺 ……直至今日突然有d 體會, 今朝搭車, 一段經文不斷在腦海陪迴:

 

詩139: 我的肺腑是你所造的, 我在母腹中, 你已覆庇我 … 我未成形的體質, 你的眼早已看見了, 你所定的日子, 我尚未度一日, 你都寫在你的冊上了。

 

我諗, 廿幾年前我就係咁黎到 lee 個世界上,  如今…… BB亦都係一樣, 滿有神的祝福、恩典。 雖然BB 仲未有頭髮 : 太10: 就是你們的頭髮、也都被(神)數過了。

 

籍此勉勵一些正在「逃亡中的B/S」, 你/妳都是一樣, 在母腹中已被祝福、揀選。 基於唔同理由你/妳可以逃避我們 / 教會 …… 但無論任何情況, 神都依然睇住(看顧)你的。